બનાસકાંઠાના ડીસા પાલનપુર નેશનલ હાઈવ પર ભોયણ ગામ ના પાટિયા પાસે આજે સવારે ચાર વાહનો વચ્ચે થયેલા ભયાનક અકસ્માત માં ત્રણ વાહનો સળગી ગયા

બનાસકાંઠાના ડીસા પાલનપુર નેશનલ હાઈવ પર ભોયણ ગામ ના પાટિયા પાસે આજે સવારે ચાર વાહનો વચ્ચે થયેલા ભયાનક અકસ્માત માં ત્રણ વાહનો સળગી ગયા હતા આ અકસ્માતમાં બે ટ્રક વચ્ચે ફસાયેલી રીક્ષા સળગી ગઈ હતી. રિક્ષામાં બેઠેલા એક મુસાફર જીવતો જ સલગી ગ્યો હતો, જ્યારે એકનું સારવાર દરમિયાન મોત થયું હતું. આમ બનાવમાં કુલ બે લોકોનાં મોત થયા છે.
ડીસા પાલનપુર હાઈવે પર ભોયણ ગામના પાટિયા પાસે આપેલ ક્રોસિંગ ડિવાઈડર તોડી ને આપેલ ક્રોસિંગ ના કારણે આજે સવારે વિચિત્ર અકસ્માત સર્જાયો હતો. જેમાં એક ટ્રક આ ક્રોસિંગ માં વળાંક લેવા જતા તેની સાઈડમાં રિક્ષા ઊભી હતી. આ સમયે પાલનપુર તરફથી પથ્થર ભરીને આવતા ટ્રેલરે બંને વાહનોને અડફેટે લેતા બે વાહનો વચ્ચે રિક્ષા ચગદાઈ જવા પામી હતી.
જ્યારે ડીસાથી પાલનપુર તરફ જતી ઇકો કાર પણ ટ્રકને ધડાકાભેર અથડાઈ હતી. આ રીતે ચાર વાહનો વચ્ચે અકસ્માત થયો હતો. જોકે, બંને ટ્રક વચ્ચે ફસાયેલી રિક્ષામાં અચાનક આગ લાગતા ટ્રક, ટ્રેલર અને રિક્ષા ભડભડ સળગવા લાગ્યા હતા.

આગ એટલી તીવ્ર હતી કે ધૂમાડાના ગોટેગોટા ત્રણથી ચાર કિલોમીટર દૂર સુધી દેખાવા લાગ્યા હતા. રિક્ષામાં મુસાફરો બેઠેલા હોવાથી તેમજ તેઓ બહાર ન નીકળી શકતા અફડાતફડી સર્જાઇ હતી.
ડીસા અને પાલનપુર નગરપાલિકાના ફાયર વિભાગને જાણ કરાતા બંને ફાયર ફાયટરો તાત્કાલિક ઘટનાસ્થળે પહોંચ્યા હતા. જ્યારે ડીસા તાલુક પોલીસ, મામલતદાર સહિત અધિકારીઓ ઘટના સ્થળે દોડી આવ્યા હતા.
ફાયર ફાઈટરોએ આગ ઉપર કાબૂ મેળવ્યો હતો. જે બાદમાં ક્રેન દ્વારા ટ્રક, ટ્રેલર ખસેડાતા રિક્ષામાં બેઠેલો એક મુસાફર જીવતો ભૂંજાયો હોવાનું જાણવા મળ્યું હતું. જ્યારે ઇકો વાનમાં સવાર મુસાફરો પૈકી એક મુસાફરનું ડીસા સિવિલ હોસ્પિટલમાં સારવાર દરમિયાન મોત નીપજ્યું હતું. અકસ્માતને પગલે જિલ્લા ટ્રાફીક વિભાગની કામગીરી સામે પણ અનેક સવાલો ઉઠયા છે