જૂના અને નવા મોબાઇલ ખરીદ વેચાણ કરનાર વેપારીઓએ રજીસ્ટર નિભાવવાના રહેશે

(માહિતી બ્યુરો, પાલનપુર)
શ્રી આનંદ પટેલ (આઇ.એ.એસ.) જિલ્લા મેજીસ્ટ્રેટશ્રી બનાસકાંઠાને ફોજદારી કાર્યરીતી અધિનિયમ ૧૯૭૩ ની કલમ-૧૪૪ મુજબ મળેલ સત્તાની રૂએ હુકમ કરવામાં આવે છે કે, સમગ્ર બનાસકાંઠા જિલ્લામાં જૂના, નવા મોબાઇલ વેચનાર તેમજ સીમકાર્ડ વેચનાર દુકાનદાર, રીટેલર ધ્વારા નીચે મુજબના નમુનામાં રજીસ્ટર નિભાવવાના રહેશે.
૧) બનાસકાંઠા જિલ્લામાં કોઇપણ દુકાનદાર ઇસમ જૂના/ નવા મોબાઇલ ફોન ગ્રાહકો પાસેથી ખરીદ/વેચાણ (આપ-લે) કરે તો જે તે ગ્રાહકનું પૂરેપૂરૂ નામ, સરનામું તથા આઇડી પ્રુફ ફરજિયાત મેળવવાનું રહેશે. ૨) બનાસકાંઠા જિલ્લામાં જૂના મોબાઇલ ફોનની ખરીદ/વેચાણ (આપ-લે) કરતા દુકાનદારે આ અંગે જરૂરી માહિતીના અલગ અલગ રજીસ્ટરો નિભાવવાના રહેશે અને રજીસ્ટરો તપાસનીશ એજન્સી જોવા માંગે ત્યારે રજુ કરવાના રહેશે. ૩) બનાસકાંઠા જિલ્લામાં નવા સીમકાર્ડનું વેચાણ કરતી વખતે રજીસ્ટર નિભાવવાની સાથે સીમકાર્ડ ખરીદનાર આઇ ડી પ્રુફની નકલ મેળવવાની રહેશે.
આ ઉપરાંત જૂના મોબાઇલ લે-વેચ કરનાર વેપારીઓ જૂના મોબાઇલ લેતા પહેલાં મોબાઇલ વેચનારનું તથા જૂના મોબાઇલ વેચતી વખતે મોબાઇલ ખરીદનારની ઓળખ અંગેનું પુરૂ નામ-સરનામું નોંધવું ફરજીયાત બનાવવામાં આવેલ હોઇ અને તે માટે જૂના મોબાઇલ ખરીદ/વેચાણ માટે વેપારીઓએ અલગ-અલગ રજીસ્ટર નિભાવવાના રહેશે. જેમાં જૂના મોબાઈલ ખરીદી/ વેચાણ માટે વેપારીએ નિભાવવાનું રજિસ્ટરમાં મોબાઈલની વિગત/ કંપનીનું નામ, એમ.એલ.આઈ નંબર, મોબાઈલ વેચનાર/ખરીદનારનું નામ/ સરનામુ, આઈ.ડી. પ્રુફની વિગત તેમજ નવુ સીમકાર્ડ વેચાણ માટે વેપારીએ નિભાવવાનું રજિસ્ટરમાં સીમકાર્ડની વિગત, સીમકાર્ડનો નંબર, ખરીદરનારનું નામ, આઈ.ડી.પ્રુફ, ખરીદનારની સહી. આ રજીસ્ટર પાંચ વર્ષ જાળવવાના રહેશે. આ પ્રતિબંધ તા. તા.૦૫/૧૧/૨૦૨૧ સુધી અમલમાં રહેશે.