પાટણ સાયન્સ સેન્ટર ખાતે હ્યુમન એનાટોમી વર્કશોપમાં ભાગ લઈ વિદ્યાર્થીઓના યુવા દિમાગ પ્રજ્વલિત થયા

અલ્પેશ શ્રીમાળી પાટણ

પાટણના રિજિયોનલ સાયન્સ સેન્ટર ખાતે આજે 2 જૂન 2024ના રોજ હ્યુમન એનાટોમી (માનવ શરીરરચના) વર્કશોપમાં ભાગ લઈ વિદ્યાર્થીઓના યુવા દિમાગ પ્રજ્વલિત થયા. નિષ્ણાત ગાઈડ દ્વારા ઈંટરેક્ટિવ મોડેલ અને લોકપ્રિય ચર્ચાના માધ્યમથી 500થી વધુ સહભાગીઓને માનવ શરીર ની રચના, તેના વિવિધ તંત્રો, તેના સાથે સંકળાયેલા અંગો અને તેની કાર્યપ્રણાલી વિશે નિદર્શન કરવામાં આવ્યું હતું.

સહભાગીઓ આ વર્કશોપમાં ભાગ લઈને માનવ શરીર રચના વિશે ઘણું નવું શીખીને આનંદિત થયા હતા. સાયન્સ સેન્ટર ના પ્રોજેક્ટ ડાયરેક્ટર ડો. સુમિત શાસ્ત્રી એ સાયન્સ સેન્ટર ના મહત્વ વિશે જણાવતા કહ્યું કે સાયન્સ સેન્ટર શિક્ષણ અને સંશોધન માટેના હબ તરીકે ખૂબ મહત્વ ધરાવે છે. ઇન્ટરેક્ટિવ પ્રદર્શનો અને શૈક્ષણિક કાર્યક્રમો દ્વારા તે મુલાકાતીઓમાં, ખાસ કરીને વિદ્યાર્થીઓમાં વૈજ્ઞાનિક જિજ્ઞાસા અને જ્ઞાનને ઉત્તેજના આપે છે. આમ સાયન્સ સેન્ટર આ પ્રદેશના બૌદ્ધિક વિકાસમાં ફાળો આપે છે.